Ameríka – Los Angeles, Las vegas, New York

Jæja, ætli það sé ekki fyrir löngu kominn tími á Ameríkublogg!

Við lentum í LA eftir dáldið of langa bið á flugvellinum á Fiji. Ameríkanarnir tóku bara nokkuð vel á móti okkur, en við vorum búnar að búa okkur undir eitthvað svakalegt eftirlit á flugvellinum en okkur fannst þetta bara ósköp svipað því sem við höfðum farið í gegnum áður í ferðinni.

Við vorum alveg ógeðslega þreyttar alla fyrstu vikuna sem við vorum í Ameríku, líklega bæði vegna tafa á flugvellinum á Fiji og vegna þess að við það fljúga þarna á milli græddum við 21 klukkutíma!

Hostelið okkar var staðsett í Hollywood, bara á walk of fame og var gaman að ganga þar um skoða stjörnur stjarnanna J Við skelltum okkur svo í skoðunarferð um svæðið þar sem farið var á útsýnisstað þar sem Hollywood skiltið sést vel, fórum líka til Beverly Hills og sáum hýbýli stjarna eins og Hally Berry, Goergoe Clooney, Söndru Bullock og auðvitað Playboy Mansion. Keyrðum líka niður Rodeo Drive en það er verslunargatan úr pretty woman og þar eru allar þessar hrikalega flottu búðir eins og Gucci , Versage, Louis vuitton og fleiri. Einnig var farið til West Hollywood svo við fengjum nú að sjá LA Ink tattoo stofuna.

Nú degi tvö í LA eyddum við öllum í Universal studios. Svakalega skemmtilegur skemmtigarður og mælum við hiklaust með honum! Fórum í skoðunarferð um úti upptökusvæðin þeirra og keyrðum meðal annars um götuna Visteria Lane þar sem vinkonur okkar úr despós eiga heima. Simpson “rússíbaninn” var líka algjört æði – þetta var eiginlega ekki rússíbani heldur bara svona rússíbanavagn sem maður settist í og svo horfði maður á tjald fyrir framan sig og vagninn hristist aðeins og með þessu tókst þeim að gabba mann og láta manni líða eins og maður væri í alvöru rússíbana J

Næsti áfangastaður var Las vegas, en þangað fórum við með rútu. Leigubílstjórinn sem skuttlaði okkur á hostelið okkar sagði okkur að þar við hliðina á væri hóruhús sem hann hélt að myndi valda okkur miklum óþægindum og helst vildi hann fara með okkur á annað hostel… okkur var svo slétt sama og eina eða tvær hórur svo við héldum okkur bara við okkar plan. Beint á móti hostelinu var svo drive through brúðkaupskapella þannig ef einhver fann ástina á hórhúsinu var stutt að fara til að innsigla sambandið. Við sáum margar svona kapellur í Las vegas og fannst það mjög fyndið – það er nú nógu slæmt að fara til vegas til að gifta sig þó maður geri það ekki líka úr bílnum sínum…. Við vorum tvo daga í Las vegas og eyddum tímanum aðallega í að ganga um the strip sem er GATAN í Las vegas… Það er nefnilega eiginlega ekkert merkilegt í vegas annað en þessi gata, an á henna eru milljón spilavíti og allt of mörg fáránlega flott hótel og fullt af búðum. Við kíktum tvisvar inn í spilavíti, einu sinni um hábjartan dag og þá var bara fullt af fólki að gambla og síðan að kvöldi til og þá var líka fullt af fólki að gambla. Þarna um kvöldið vorum við að fara á sýningu í einu spilavítinu sem heitir XBurlesque! Við vinkonurnar höfðu nefnilega farið saman í bíó á kvikmynd sem heitir Burlesque síðasta vetur sem var svona dans og söngvamynd sem átti að gerast á skemmtistað í LA… þeir sem hafa séð myndina vita um hvað hún er og að þar var nú aldrei neinn nakinn…. En í þessari sýningu enduðu dömurnar nánast undantekningarlaust kviknaktar í lok hvers lags…. Dáldið skondin upplifun sem við vinkonurnar áttum saman þarna ;)

Við tókum svo rútu aftur frá Las Vegas til LA því við áttum að fljúga þaðan til NY. Við gistum eina nótt í LA fyrir flugið til NY og vorum á frekar sjabbí hosteli sem var fullt af perrum sem leist af einhverri stórundarlegri ástæðu afar vel á Pálínu sem sjaldan hafði verið jafn þreytt, gráhærð og gugginn og einmitt þarna… hún átti fullt í fangi með að hrista hendurnar á þeim af sér í sjónvarpsherberginu og þurfti að neita einum þeirra þegar hann spurði hvort hann mætti ekki koma með okkur þegar við vorum að fara út í mat.

New York var svo bara dásamlega… jólageðveikin í fullum gangi og ef það hefði ekki verið alveg svona mikið af fólki á götunum hefði þetta bara verið fullkomið! Við höfðum pantað okkur hostel í NY í júlí vegna þess að við vorum vissar um að borgin væri pökkuð af túristum svona rétt fyrir jólin…. Þegar við loksins komum á hostelið sem var á besta stað á Manhattan kom í ljós að það var bara búið að loka því L SHIT! Við skelltum okkur inn á næsta starbucks og pöntuðum okkur heitt piparmintukakó (slurp!) og fórum á netið fullar af svartsýni um að finna annað Hostel… það reyndist svo bara frekar auðvelt og völdum við eitt sem var nýbúið að opna og var staðsett í Brooklyn…. Við vorum reyndar svoldið smeykar þegar við gengum um Brooklyn fyrst og vorum hálfvilltar og fundum ekki hostelið heldur einhverja verksmiðju þegar við töldum okkur komnar á staðinn en föttuðum svo að við vorum í vitlausri götu með svipuðu nafni J Eftir svona klukkutíma göngu um Brooklyn fannst hostelið og það var bara mjög fínt J

Í New York var frost þannig að ullarnærfötin sem voru búin að velkjast um bakpokunum okkar í öllum heitu löndunum komu loksins að góðum notum! Heita piparmintukakóið á Starbucks var líka alveg að bjarga málunum! Það helsta sem við skoðuðum í borginni var auðvitað frelsisstyttan, empire state byggingin, Chrysler byggingin, Rockefeller center, Times square og svo auðvitað rosalega margar búðir! Hápunktur dvalarinnar var án efa Mary Poppins leiksýningin sem við fórum að sjá á Broadway! Hún var bara dásamleg og svo falleg og við skiljum ekkert í því hvernig fólkinu tókst að láta sumt gerast sem gerðist á þessari sýningu – við hefðum alveg skilið að þetta hefði verið hægt í bíómynd, en ekki í leiksýningu….

Eitt af skilyrðunum fyrir flugmiðunum sem við keyptum á spottprís í þessu ferðalagi var að byrja ferðina í London og enda hana í London – þetta var jú keypt af Bretum…. Þannig við lentum í London á leiðinni heim og gistum þar eina nótt…. Flugið til London var næturflug og lentum við klukkan sex að morgni og máttum ekki bóka okkur inn á hostel fyrr en klukkan 14:00…. Við skruppum því algjörlega vansvefta á Oxford street að morgni 19.desember og bættum nokkrum jólagjöfum í sarpinn. Fórum svo á hostelið og steinsváfum fram að kvöldmat og ætluðum svo bara að fara strax að sofa aftur en það gekk ekki alveg upp… með okkur í herbergi voru krakkar á aldrinum 18-20 ára sem fannst þau bara alveg mega spjalla saman alla nóttina alveg eins og við mættum sofa alla nóttina… nú þau spjölluðu til klukkan 5 og fljótlega eftir það sofnuðum við og sváfum til 8. Við áttum svo flug með Iceland Express heim sem átti að fara í loftið um 2 leytið en því var auðvitað seinkað til 19:30…. Við vorum því ekki komnar til Reykjavíkur fyrr en um miðnætti, sofnuðum ekki fyrr en um 3  og áttum flug austur klukkan 7:30….. Það tók ansi langan tíma að rétta sig af eftir þessar 3 svefnlausu nætur í röð!

Það var svo bara yndislegt að koma heim svona rétt fyrir jól og eiga góðar stundir með familíunni áður en hversdagslífið hófst á ný J Agnes er farin til Hornafjarðar og vinnur sem stendur á leikskóla þar og Pálína er á Norðfirði og vinnur á rannsóknarstofu Fjarðaáls á Reyðarfirði.

Við þökkum bara kærlega fyrir öll kommentin sem við fengum frá lesendum síðunnar meðan á þessu stóð - þau yljuðu okkur óneitanlega um hjartarætur í þau fáu skipti sem við fundum til heimþrár J

Kærar kveðjur, Agnes og Pálína.

Athugasemdir

[Harpa Rún (IP-tala skráð) 17.2.2012 kl. 10:59]

Like á þetta!! :) ameríka er náttúrlega bara dásamleg og þið hafið greinilega notið hennar í botn.. svona miðað við svefnleysi og allt það! :)